کشمیر یونیورسٹی نے پیر کو ہونے والے یو جی امتحانات مؤخر کئے

کشمیر میں درمیانہ درجے کی برفباری ہونے کی وجہ سے متعدد رابطہ سڑکیں بند ہو گئی ہے جس کی وجہ سے عوامی نقل و حمل مسدود ہ گئی ہے۔

وادی کشمیر میں بھاری برفباری کے پیش نظر کشمیر یونیورسٹی نے پیر کے روز ہونے والے تمام انڈر گریجویٹ کورسز کے تمام امتحانات مؤخر کرنے کا اعلان کیا ہے۔

اتوار کے روز یونیورسٹی کے کنٹرولر پروفیسر ارشاد احمد نائچو نے بیان جاری کرتے ہوئے کہا کہ "ناسازگار موسمی صورتِحال کے پیش نظر انڈر گریجویٹ کورسز کے تمام امتحانات مؤخر کیے جاتے ہیں۔"

اُن کا مزید کہنا تھا کہ "امتحانات کی نئی تاریخوں کا اعلان الگ سے کیا جائے گا۔"

واضح رہے وسطی اور جنوبی کشمیر کے کئی اضلاع اور شہر سرینگر میں اس وقت برفباری جاری ہے جہاں ضلع کولگام میں تین فٹ تک برفباری درج کی گئی۔ وہیں سرینگر اور بڈگام میں بھی اب تک تین سے پانچ انچ برفباری ہو چکی ہے۔