سرینگر: جموں و کشمیر ٹورزم ڈیپارٹمنٹ نے سال 2023 کے اختتام پر گلمرگ، پہلگام اور سونہ مرگ کے معروف سیاحتی مقامات پر نئے سال کا جشن منانے کے لیے خصوصی پروگرام کی تیاری مکمل کر لی ہے۔ ڈیپارٹمنٹ نے معروف مقامی شخصیات کو بھی شامل کیا ہے تاکہ وہ سیاحوں اور مقامی لوگوں کو محظوظ کر سکیں۔
اسکی ریزارٹ گلمرگ میں معروف کشمیری گلوکار آبا ہنجورہ، عادل گریزی اور آفاق شفیع کو دعوت دی گئی ہے۔ گلمرگ کے ہوٹلوں میں 100 فیصد بکنگ کے باوجود، ڈیپارٹمنٹ نے نیا سال خوش آمدید کے لیے لیزر اور لائٹ شوز، اور میوزیکل نائٹ کا انتظام کیا ہے۔ آبا ہانجورہ نے ’’ہکس بکس‘‘ ہٹ گانے پر کافی شہرت حاصل کی، جبکہ عادل گریزی کشمیری نغمہ ’’ڈُپٹہء نیونم ڈلہء کی واوانو‘‘ کے لیے جانے جاتے ہیں۔ افق شفیع حال ہی میں ’’انڈین آئیڈل‘‘ کے آڈیشن میں منتخب ہوئے ہیں۔
-
Join us on the 31st of Dec 2023 at the #Gulmarg Golf course for an evening full of music, #laser light and sound show and fun! Performances by Abha Hanjura, Adil Gurezi and Afaq Shafi of Indian Idol fame!Save the date!#NewYear #gulmarg #celebration @SyedAbidShah @diprjk pic.twitter.com/UpIPqCxXH9
— Jammu & Kashmir Tourism (@JandKTourism) December 28, 2023 " class="align-text-top noRightClick twitterSection" data="
">Join us on the 31st of Dec 2023 at the #Gulmarg Golf course for an evening full of music, #laser light and sound show and fun! Performances by Abha Hanjura, Adil Gurezi and Afaq Shafi of Indian Idol fame!Save the date!#NewYear #gulmarg #celebration @SyedAbidShah @diprjk pic.twitter.com/UpIPqCxXH9
— Jammu & Kashmir Tourism (@JandKTourism) December 28, 2023Join us on the 31st of Dec 2023 at the #Gulmarg Golf course for an evening full of music, #laser light and sound show and fun! Performances by Abha Hanjura, Adil Gurezi and Afaq Shafi of Indian Idol fame!Save the date!#NewYear #gulmarg #celebration @SyedAbidShah @diprjk pic.twitter.com/UpIPqCxXH9
— Jammu & Kashmir Tourism (@JandKTourism) December 28, 2023
معروف سیاحتی مقام پہلگام میں کشمیری گلوکار اشفاق کاوا، آئی بی ایم بینڈ، راسخ اور کوہی نور بینڈ پہلگام کلب میں پرفارم کریں گے۔ آئی بی ایم بینڈ - جس میں عرفان، بلال اور مہمیت شامل ہیں - نے کشمیری موسیقی کو عالمی سطح پر فروغ دینے کا کام کیا ہے۔ جبکہ سونہ مرگ میں موسیقی اور آئس اسکیٹنگ کے ساتھ جشن منایا جائے گا۔ معروف سیاحتی مقام گلمرگ میں 2023 کے دوران سولہ16 لاکھ سے زائد سیاحوں کی آمد درج ہوئی ہے۔ پچھلے سال کے مقابلہ میں سکی ریزارٹ میں سیاحوں کی آمد میں کئی گنا اضافہ درج ہوا ہے، جن میں بین الاقوامی سیاح بھی شامل ہیں۔ گلمرگ ڈیولپمنٹ اتھارٹی کے اسسٹنٹ ڈائریکٹر، جاوید الرحمان کے مطابق یہاں یومیہ تقریباً 5000 سیاحوں کی آمد درج ہوتی ہے۔ گلمرگ میں جون اور جولائی میں سیاحوں کی ریکارڈ توڑ آمد درج ہوئی ہے۔ جون میں 2,08,011 سیاحوں کی آمد ہوئی۔
مزید پڑھیں: کرسمس کے موقع پر گلمرگ میں رنگا رنگ تقریب منعقد
ادھر، محکمہ ٹورزم نے نئے سال کی آمد کے موقع پر منعقدہ جشن کے لئے ہوٹلیئرز کے ساتھ مہمانوں کے استقبال کے لیے خصوصی انتظامات کیے ہیں۔ سیاحوں کی حفاظت، بھیڑ کنٹرول اور سیاحوں کے آرام کے لیے خصوصی خیال رکھا جا رہا ہے۔
