جے اینڈ کے سروسز سلیکشن بورڈ نے مختلف محکموں کے درجہ چہارم اسامیوں کے لئے امتحانات منعقد کئے۔ 8575 ڈسٹرکٹ / ڈویژنل / یو ٹی کیڈر کی پوسٹز کے لئے او ایم آر پر مبنی تحریری امتحان دوپہر 12 بجے شروع ہوا اور دوپہر 2 بجے اختتام پزیر ہوا۔
امتحان کا تیسرا مرحلہ پیر کو 379 امتحانی مراکز میں ہوا۔ اس مرحلے میں 1.34 لاکھ امیدواروں نے امتحان میں حصہ لینا تھا تاہم 1.095 امیدوار حاضر ہوئے تھے۔
جے کے ایس ایس بی کی جانب سے جاری ایک بیان میں مزید کہا گیا ہے کہ اضافی نگرانی کے دوران امتحان کی ڈیوٹی پر تعینات افسران / اہلکاروں نے بے ضابطگی میں ملوث چار امیدواروں کو پکڑ لیا۔
بورڈ نے کہا کہ جموں وکشمیر سروسز سلیکشن بورڈ (امتحانات کا انعقاد) ضابطہ، 2013 کے سیکشن 27 (اے) میں واضح ہے کہ امیدوار مواصلاتی ڈیوائس، الیکٹرانک سامان / گیجٹ یا کسی دوسرے مواد کا استعمال نہ کریں۔
امتحان کے عمل کے دوران شفافیت اور انصاف پسندی کو یقینی بنانے کے لئے ہر مرکز میں اہم واقعات کی ویڈیو گرافی کی گئی۔ اس کے علاوہ جنرل ایڈمنسٹریشن ڈیپارٹمنٹ اور چیف انسپکٹر کی تقرری کی نگرانی کے لئے متعلقہ ضلعی مجسٹریٹ کے ذریعہ ایک جنرل آبزرور مقرر کیا گیا تھا۔
منصفانہ اور شفاف طریقے سے امتحانات کے انعقاد کو یقینی بنانے کے لئے، تمام ضلعی مجسٹریٹس نے امتحان کے وقت امتحانات کے مراکز کے آس پاس فوجداری ضابطہ اخلاق (سی آر پی سی) کی دفعہ 144 کے تحت ممنوعہ احکامات جاری کیے تھے۔ امتحان کے دوران کووڈ-19 پروٹوکول کے تحت ایس او پیز کو بھی یقینی بنایا گیا۔
