سرینگر: جموں وکشمیر ایل جی انتظامیہ نے جموں و کشمیر انسٹی چیوٹ آف مینجمنٹ پبلک ایڈمنسٹریشن اینڈ رورل ڈیلوپمنٹ میں فیکلٹی ممبران کی تقرری سے متعلق معاملے کے لیے ایک کمیٹی تشکیل دی ہے۔ انتظامیہ نے کمیٹی کو ایک ماہ کے مکمل رپورٹ پیش کرنے کی ہدایت دی ہے۔
اس کمیٹی کی صدارت فائنانشل کمشنر (ایڈیشنل چیف سیکریٹری ) محکمہ داخلہ راج کمار گوئل کریں گے، جبکہ ڈائریکٹر جنرل جے اینڈ کے انسٹی چیوٹ آف پبلک مینجمنٹ ایڈمنسٹریشن اینڈ رورل ڈیلوپمنٹ، سیکریٹری جنرل ایڈمنسٹریشن ڈپارٹمنٹ، سکریٹری محکمہ قانون اور پارلیمانی امور، ڈائریکٹر جنرل کوڈز محکمہ خزانہ اس کمیٹی کے ممبران ہوں گے۔
مزید پڑھیں: G20 Event in JK جی ٹوینٹی پروگراموں کے انتظامات اور طبی خدمات کے لیے کمیٹی تشکیل
اس ادارے میں گزشتہ برسوں الزام عائد کیے جاچکے ہیں کہ اس میں اثر رسوخ والے افراد اور سیاسی لیڈران کے رشتہ داروں کو بے ضابطگیوں کے تحت تعینات کیا گیا ہے۔سرکاری ذرائع کا کہنا ہے کہ ایل جی منوج سنہا کو کئی شکایات موصول ہوئی ہے کہ اس ادارے میں عملے کی تعیناتی میں بے ضابطگیاں کی گئی ہے، جن کو مد نظر رکھتے ہوئے اس کی مکمل تحقیقات کا حکم دیا گیا ہے۔
