پاکستان سے کشمیری طلبا اور تاجروں کی واپسی

مرکز کے زیر انتظام جموں و کشمیر کے گرمائی دارالحکومت سرینگر میں ضلع انتظامیہ کی جانب سے پاکستان میں پھنسے کشمیری طلبا اور تاجروں کو واپس وادی لایا گیا۔

سرینگر میں موجود ٹی آر سی سینٹر میں ضلع انتظامیہ کی طرف سے کئی افسران کی موجودگی میں واپس لائے گئے 26 افراد کی باضابطہ طور پر اسکریننگ کی گئی اور پھر ان تمام لوگوں کو قرنطینہ میں رکھا گیا۔

پاکستان سے واپس لوٹے افراد نے میڈیا سے کہا کہ 'ہمیں کافی خوشی محسوس ہو رہی ہے کہ ہم اپنے وطن عزیز واپس لوٹے۔' اس دوران انہوں نے ضلع انتظامیہ اور مرکزی حکومت کا شکریہ بھی ادا کیا۔