حکام نے بتایا کہ گزشتہ 24 گھنٹوں کے دوران 13 اموات کے ساتھ ہی جموں و کشمیر میں کورونا سے مرنے والوں کی تعداد 298 ہوگئی ہیں۔
جموں کے گاندی نگر سے تعلق رکھنے والے 58 سالہ پولیس سب انسپیکٹر کی کورونا سے موت ہوئی۔ انہیں 22 جولائی کو جی ایم سی جموں میں داخل کرایا گیا تھا، جس کے ایک دن بعد ان کا کورونا ٹیسٹ پازیٹیو آیا۔ تاہم آج ان کی موت ہو گئی۔ وہ ذیابطیس کے مریض تھے۔
وادی میں ہونے والی گیارہ اموات میں زیادہ تر کا تعلق سرینگر ضلع سے ہے۔ ضلع بارہمولہ اور اننت ناگ سے دو اموات جبکہ شوپیاں اور گاندربل سے بالترتیب ایک موت ہوئی ہے۔
یہ بھی پڑھیں؛ کورونا وائرس کے 353 نئے مثبت معاملات
بتا دیں کہ ضلع سرینگر میں کورونا سے متعلق سب سے زیادہ اموات 82 ہوئی ہیں جبکہ دوسرے نمبر پر ضلع بارہمولہ ہے جہاں کورونا میں مبتلا 62 افراد کی موت واقع ہوئی ہے۔ ضلع کولگام میں 23، اننت ناگ میں 21، شوپیاں اور بڈگام میں بالترتیب 12، پلوامہ اور کپواڑہ میں سولہ سولہ، جموں میں 14، گاندربل میں پانچ، ادھمپور میں ایک، ڈوڈہ میں 2، بانڈی پورہ میں 5، کٹھوعہ اور پونچھ میں ایک ایک اور راجوری میں 2 اموات ہوئی ہیں۔
