کورونا وائرس: جے کے بینک کی شاخ پانچ روز کے لیے بند

9ملازمین کی کورونا رپورٹ مثبت آنے کے بعد جے کے بینک کی شاخ کو پانچ روز کے لیے بند کر دیا گیا ہے۔

عالمی وبا کورونا وائرس کے متعدد مثبت معاملات سامنے آنے کے بعد انتظامیہ نے ہفتہ کو جموں و کشمیر بینک کی قمروای شاخ کو پانچ دنوں کے لیے بند کر دیا ہے۔

ایک سینئر آفیسر نے ای ٹی وی بھارت کو بتایا کہ ’’گزشتہ شب جموں و کشمیر بینک کی قمروای شاخ میں کام کر رہے 9 ملازمین عالمی وبا سے مثبت پائے گئے تھے۔ جس کے بعد سرینگر کے ڈسٹرکٹ ڈیزاسٹر منیجمنٹ اتھارٹی کے صدر کی ہدایت پر شاخ کو پانچ دن کے لیے بند کر دیا گیا۔‘‘

انہوں نے مزید کہا کہ مثبت افراد کے رشتہ داروں کو آئیسولیشن میں رہنے کی ہدایت دی گئی ہے۔