جموں و کشمیر میں معمول کے مطابق گھریلو پروازوں کے دوبارہ آغاز کے 20 ویں روز 18 گھریلو پروازیں، جس میں 2،403 مسافر سوار تھے، ہفتے کے روز جموں اور سری نگر ہوائی اڈوں پر پہنچے۔
چھ تجارتی پروازوں میں سوار کل 593 مسافر جموں ایئر پورٹ پہنچے جبکہ 12 گھریلو پروازوں میں سوار 1810 مسافر سری نگر ہوائی اڈے پر اترے۔
جموں و کشمیر پہنچنے کے بعد، سبھی مسافروں کا کووڈ-19 ٹیسٹ کیا گیا اور تمام ضروری احتیاطی پروٹوکول پر عمل پیرا ہونے کے بعد مسافروں کو منزل مقصود تک پہنچا دیا گیا۔
حکومت نے شہری ہوا بازی اور صحت و خاندانی بہبود کی وزارتوں کے ذریعہ مقرر کردہ رہنما خطوط اور معیاری آپریٹنگ طریقہ کار (ایس او پیز) کا خصوصی خیال رکھتے ہوئے مسافروں کو قرنطین مراکز تک پہنچنے، اسکریننگ، نمونے لینے اور مناسب نقل و حمل کے لئے وسیع انتظامات کیے ہیں۔
