سرکاری ترجمان کے مطابق گورنر ستیہ پال ملک کی صدارت ریاستی انتظامی کونسل کی ایک میٹنگ منعقد ہوئی، اس میٹنگ میں جموں اینڈ کشمیر ٹرانسپورٹ سبسڈی سکیم کو منظوری دی گئی ۔
اس سب سڈی کی بدولت پرائیویٹ ٹرانسپورٹرز کی طرف سے چلائی جارہی 500 پرانی ڈیزل گاڑیوں کی جگہ نئی گاڑیاں چلائی جائیں گی۔
ان میں بسیں اور منی بس شامل ہیں۔یہ سکیم 2019-20 بجٹ کی روشنی میں تشکیل دی گئی ہے۔
یہ سکیم پہلے سری نگر اور جموں شہروں میں عمل آور ہوگی جس میں سری نگر میں 250 پرانی ڈیزل گاڑیوں کو بدل کر نئی گاڑیاں متعارف کی جائیں گی۔
اسی طرح جموں میں جدید بسیں جو آرام دہ اور جدید تحفظی آلات سے لیس ہوں گی متعارف کی جائیں گی۔
