جموں و کشمیر میں گزشتہ 24 گھنٹوں کے دوران کورونا وائرس کے 75 نئے کیسز پائے گئے ہیں، جن میں سے 10 کا تعلق جموں سے ہے اور 65 کا تعلق کشمیر وادی سے ہے۔ علاوہ ازیں صوبہ کشمیر میں ایک شخص کی کووڈ-19 سے موت ہوئی ہے۔
حکام نے بتایا کہ 77 کورونا مریض صحتیاب ہو گئے ہیں اور انہیں مختلف ہسپتالوں سے رخصت کیا گیا ہے۔ صحتیاب مریضوں میں 12 کا تعلق جموں سے ہے اور 65 کا تعلق کشمیر وادی سے ہے۔
حکام کے مطابق آج ضلع سرینگر میں سب سے زیادہ کیسز 39 پائے گئے ہیں جبکہ ضلع بارہمولہ اور بڈگام میں بالترتیب 4 کیسز، پلوامہ میں 3، اننت ناگ میں 8، بانڈی پورہ اور شوپیاں میں دو دو کیسز جبکہ کولگام میں تین کیسز پائے گئے ہیں۔
ادھر ضلع جموں میں 10 افراد کورونا متاثر ہوئے ہیں۔
انتظامیہ کی جانب سے جاری میڈیا بلیٹن کے مطابق جموں و کشمیر میں 1 لاکھ 27 ہزار 363 افراد کورونا سے متاثر ہوئے ہیں۔ ان میں سے 896 فعال کیسز ہیں، جبکہ 1 لاکھ 24 ہزار 498 افراد صحتیاب ہو گئے ہیں۔ علاوہ ازیں 1969 افراد کی کورونا سے موت واقع ہوئی ہے۔ فوت شدگان میں 729 جموں سے تعلق رکھتے ہیں جبکہ 1240 افراد کشمیر وادی سے تعلق رکھتے ہیں۔
میڈیا بلیٹن کے مطابق جموں و کشمیر میں 5488910 کا کورونا ٹیسٹ کیا گیا ہے جن میں سے 11مارچ 2021 تک 5361547 کا ٹیسٹ منفی پایا گیا ہے۔
