سرینگر : نیشنل انوسٹی گیشن ایجنسی (این آئی اے) کی عدالتوں پر بوجھ کم کرنے کے لیے جموں و کشمیر ہائی کورٹ نے ہفتہ کے روز این آئی اے کے مقدمات کے لیے خصوصی عدالتوں کی تشکیل کا حکم دیا۔ HC Orders Constitution Of Exclusive Special Courts For NIA Cases
ایک حکم میں جموں و کشمیر ہائی کورٹ کے رجسٹرار جنرل سنجیو گپتا نے کہا کہ این آئی اے عدالتوں کے دباؤ کو کم کرنے کے لیے چیف جسٹس نے سیول، سیشن ٹرائل کے مقدمات (عصمت دری کے مقدمات کو چھوڑ کر) اور این ڈی پی ایس کے زیر التوا مقدمات کو ایڈیشنل ڈسٹرکٹ اینڈ سیشن جج کی عدالت (این آئی اے اسپیشل کورٹ)، اننت ناگ پرنسپل ڈسٹرکٹ اینڈ سیشن جج اننت ناگ کی عدالت میں قانون کے مطابق تصرف کے لیے منتقل کرنے پر حامی بھری۔
حکم نامے میں مزید کہا گیا ہے کہ "اسی طرح سیشن ٹرائل کے مقدمات این ڈی پی ایس اور سیول مقدمات کو قانون کے مطابق نمٹانے کے لیے ایڈیشنل ڈسٹرکٹ اینڈ سیشن جج (این آئی اے اسپیشل کورٹ) بارہمولہ کی عدالت سے پرنسپل ڈسٹرکٹ اینڈ سیشن جج بارہمولہ کی عدالت میں منتقل کیا جاتا ہے۔"
مزید پڑھیں:
اس کے علاوہ این آئی اے کی خصوصی عدالتوں اننت ناگ اور بارہمولہ کو ہدایت دی گئی کہ وہ مقدمات کو ترجیحی بنیادوں پر جلد نمٹائیں۔
