سرینگر میں جموں وکشمیر حج و عمرہ ٹور آپریٹرس ایسوسی ایشن J&K Haj & Umrah Tour Operators Association نے سرینگر میں ایک پریس کانفرنس کے دوران سعودی عرب کی جانب سے عمرہ ویزا Umrah Visa جاری کیے جانے کے حکمنامے کا خیر مقدم کیا، تاہم انہوں نے کہا کہ عالمی وبا کورونا وائرس کی نئی قسم اومیکرون Omicron Variant کے پیش نظر براہ راست بین الاقوامی پروازوں کا سلسلہ شروع نہیں کیا گیا جس کے سبب ٹور و عمرہ آپریٹرز عمرہ بکنگ Umrah Registration کرنے سے گریز کر رہے ہیں۔
انہوں نے عوام الناس کو ہوشیار رہنے کی اپیل کرتے ہوئے دعویٰ کیا کہ بعض میڈیا اداروں خصوصا سماجی رابطہ گاہوں پر ٹور آپریٹرز مختلف اقسام کے سستے پیکجز سے ’’عوام کو دھوکہ دینے کی کوشش‘‘ کر رہے ہیں۔
انہوں نے کہا کہ بھارت سے سعودی عرب براہ راست پروازوں کا سلسلہ بھی پوری طرح شروع نہیں کیا گیا ہے جس سے ٹور آپریٹرز عمرہ بکنگ انجام نہیں دے رہے۔
مزید پڑھیں: حج، عمرہ ویزا کی فیس 300ریال مقرر
جموں وکشمیر حج و عمرہ ٹور آپریٹرس ایسوسی ایشن کے زعماء نے پریس کانفرنس کے دوران J&K Haj & Umrah Tour Operators Press Conference کہا کہ زائرین کو سرینگر سے سعودی عرب بھیجنے اور واپس لانے کے علاوہ، ان کے سفر، قیام و طعام کی ساری ذمہ داری ٹور آپریٹرز پر عائد ہوتی ہے۔ تاہم ان کے مطابق، بعض ٹور آپریٹرز عمرہ بکنگ انجام دے رہے ہیں جس میں، ان کے مطابق، سفری خرچہ ائیر ٹکٹ وغیرہ شامل نہیں ہے۔
یہ بھی پڑھیں: پابندی پر عازمین عمرہ کو پریشان ہونے کی ضرورت نہیں
انہوں نے عوام سے ایسے ٹور آپریٹرز سے ہوشیار رہنے کی اپیل کی۔
