مرکزکے زیر انتظام جموں و کشمیر کی گرمائی دارالحکومت سرینگر میں آئی سی ڈی ایس سپر وائزر خواتین ورکرس نے اپنی مانگوں کو لیکر انتظامیہ کے خلاف جم کر احتجاج۔
آی سی ڈی ایس سپر وائزر خواتین ورکرس کا سرینگر میں احتجاج
تفصیلات کے مطابق آئی سی ڈی ایس سپر وائزر خواتین ورکرس سرینگر کی پریس کالونی میں جمع ہوئی جبکہ اس دوران خواتین ورکرس نے ہاتھوں میں پلے کارڈس لے رکھے تھے جن پر ''ہمارے ساتھ انصاف کرو'' کے نعرے درج تھے۔
اس دوران ایک خاتون سپر وائزر نے میڈیا سے بات کرتے ہوئے کہا کہ 'کئی برسوں سے ہمیں تنخواہ سے محروم رکھا گیا ہے جس سے ہمیں مشکلات کا سامنا کرنا پڑتا ہے جبکہ ہمیں اعلی تعلیم اور ڈگری ہونے کے باوجود بھی کوئی بھی گریڈ نہیں دیا گیا۔'
انہوں نے کہا کہ 'خواتین ہونے کے باوجود بھی ہمیں سڑکوں پر احتجاج کرنے پر مجبور کیا جاتا ہے۔'
