سرینگر: مثبت کیسز میں اضافے کے پیش نظر ٹیسٹنگ مہم تیز

سرینگر میں عالمی وبا کورونا وائرس مثبت کیسز کی تعداد میں اضافے کے پیش نظر محکمہ صحت کی جانب سے سرکاری دفاتر میں کورنا ٹیسٹ سمپلنگ کا انعقاد عمل میں لایا جا رہا ہے۔

مرکزی زیر انتظام جموں و کشمیر کی دارالحکومت سرینگر میں ضلع انتظامیہ اور محکمہ صحت کے اشتراک سے سرکاری دفاتر میں ملازمین کے لیے کووڈ19 ٹیسٹ سیمپلنگ کا انعقاد کیا گیا۔

سرینگر کے جنرل پوسٹ آفس کے احاطے میں پیر کو دو سو سے زائد ملازمین کے کووڈ19 ٹیسٹ کے لیے نمونے لیے گئے۔

واضح رہے کہ لاک ڈاؤن میں نرمی کے ساتھ ہی جموں و کشمیر کے دارالحکومت سرینگر میں مثبت کیسز کی تعداد میں اضافہ دیکھا جا رہا ہے جس سے انتظامیہ محدود لاک ڈاؤن نافذ کر رہی ہے۔ وہیں انتظامیہ کی جانب سے عالمی وبا کورونا وائرس کی تشخیص کے لیے سرکاری دفاتر میں ملازمین کی کووڈ 19 ٹیسٹنگ عمل میں لائی جا رہی ہے۔