Haj 2022 Preparation: جموں و کشمیر حج کمیٹی کے ایگزیکٹو آفیسر سے خاص ملاقات

بھارت سے اس سال 79 ہزار237 خواہشمند افراد حج 2022 ادا کریں گے جس میں جموں وکشمیر کے 5 ہزار ایک سو 96 عازمین بھی شامل ہیں۔ملک کی دیگر ریاستوں اور یوٹیز کے مقابلے میں ریاست اتر پردیش کے سب سے زیادہ 8 ہزار افراد اس سال حج کا فریضہ انجام دیں گے۔Haj 2022 Pilgrims From J&K

سرینگر: سعودی عرب کی حکومت نے جمعہ کو حج 2022 کا اعلان کرتے ہوئے امسال کے حج کوٹے کو حتمی شکل دی ہے جس کے مطابق رواں برس دنیا بھر سے دس لاکھ افراد فریضہ حج انجام دیں گے۔ ایسے میں اس سال بھارت سے80 ہزار خواہشمند افراد حج ادا کریں گے جس میں جموں کشمیر کے 5 ہزار ایک سو 96 عازمین بھی شامل ہیں۔ ملک کی دیگر ریاستوں اور یوٹیز کے مقابلے میں ریاست اتر پردیش کے سب سے زیادہ 8 ہزار افراد حج کا فریضہ انجام دیں گے۔Haj 2022 Pilgrims From J&K

اس بیچ جموں وکشمیر حج کمیٹی کو حج 2022 کے لیے 10 ہزار درخواستیں موصول ہوئیں۔ ایسے میں قرعہ اندازی 26 اپریل کے بعد انجام دی جارہی ہے۔ موصولہ فارم، موجودہ کوٹہ میں اضافے اور دیگر انتظامات سے متعلق ای ٹی وی بھارت کے نمائندے پرویز الدین نے جموں و کشمیر حج کمیٹی کے ایگزیکٹو آفیسر ڈاکٹر عبدالسلام سےبات چیت کی۔ HAJ Executive Officer J&K Dr Abdul Salam

موصوف نے کہا کہ اگچہ حج کمیٹی کو 10 ہزار درخواستیں موصول ہوئی ہیں تاہم اس میں تقریباً 3 ہزار فارم نا اہل پائے گئے۔ ایسے میں اب 7 ہزار درخواستوں کی ہی قرعہ اندازی عمل میں لائی جائے گی۔ انہوں کے کہا کہ امید ظاہر کی جارہی ہے کہ موجودہ کوٹلے میں اضافہ ہوسکتا ہے جس کے بدولت وہ افراد بھی حج کا فریضہ انجام دے سکتے ہیں جو کہ قرعہ انداز کے بعد باقی رہ جائیں گے۔

ڈاکٹر عبدالسلام نے کہا کہ امسال حج کے لیے جو موصول درخواستیں رد ہوئی ان میں اکثر کی عمر 65 برس سے زیادہ تھی، کیونکہ سعودی حکومت کی جانب سے حج 2022 کے اعلان کے بعد ہی یہ کہا گیا کہ 65 برس کے کم عمر کے افراد ہی حج 2022 کے اہل ہوں گے۔

جموں و کشمیر حج کمیٹی کے ایگزیکیٹو آفیسر ڈاکٹر عبدالسلام میر کے مطابق آنے والے چند دنوں کے بعد قرعہ اندازی عمل میں لائی جارہی ہے اور پھر منتخب امیدواروں کی فہرست حج کمیٹی کی ویب سائٹ پر دستیاب ہوگی جس کے بعد عازمین حج کی جانب سے جمع کرائی جانے والی رقم کا الگ سے اعلان بھی کیا جائے۔

سعودی حکومت کی جانب سے حج کوٹہ کا اعلان دو برس کے عرصے کے بعد کیا گیا، کیونکہ سال 2021 اور 2022 میں عالمی وبائی کورونا کی وجہ سے غیر ملکی زائرین کے لیے حج پر پابندی عائد تھی۔ وہیں اس برس سعودی حکومت نے 65 برس سے کم عمر افراد کو ہی حج کرنے کی اجازت دی ہے۔

ایک سوال کے جواب میں جموں و کشمیر حج کمیٹی کے ایگزیکٹو آفیسر ڈاکٹر عبدالسلام نے کہا کہ یہاں سے پہلی پرواز 31 مئی کو عازمین کا پہلا قافلہ لے کر روانہ ہوگی، جس کے لیے دیگر انتظامات کے علاوہ حج ہاؤس سرینگر سے بین الاقوامی ہوائی اڈے تک حجاج کرام کو لینے کے لیے تمام انتظامات کو حتمی شکل دے دی جا رہی ہے۔