گمشدہ نوجوان کے اہلخانہ کی دردمندانہ اپیل

گزشتہ روز شہر خاص کے زونی مر میں پیش آنے والے تصادم میں ہلاک ہونے والے عسکریت پسندوں میں گمشدہ نوجوان کی ہلاکت سے متعلق افواہیں گردش کرنے لگیں۔ لیکن پولیس کی طرف سے ابھی تک واضح بیان سامنے نہیں آیا-

جموں کشمیر کی دارالحکومت سرینگر کے بمنہ کا رہنے والا 27 سالہ نوجوان ہلال باسط احمد گزشتہ اتوار کو گاندربل ضلع کے گنگبل تفریح گاہ میں ٹریکنگ کے دوران مبینہ طور لاپتہ ہوگیا ہے۔ آج نوجوان کے اہلخانہ نے سرینگر پریس کالونی میں احتجاج کیا۔

قابل ذکر ہے کہ گزشتہ روز شہر خاص کے زونی مر میں پیش آنے والے تصادم میں ہلاک ہونے والے عسکریت پسندوں میں ان کی ہلاکت کے متعلق افواہیں گردش کرنے لگیں۔ لیکن پولیس کی طرف سے ابھی تک واضح بیان سامنے نہیں آیا-

پولیس ترجمان نے گزشتہ روز تین میں سے دو عسکریت پسندوں کی شناخت کی تھی جن میں ضلع اننت ناگ کے شکور فاروق اور سرینگر کے شاہد احمد کے بطور کی ہے- تیسرے ہلاک شدہ عسکریت پسند کی شناخت صورہ کے انچار علاقے کے محسن اسلم کے بطور ہوئی ہے-

ہلال کے بھائی ارشاد کا کہنا ہے کہ گزشتہ روز ان کے بھائی کے متعلق پھیلائے گئے افواہوں کے سبب ان کو ذہنی پریشانی ہوگئی ہے-ارشاد نے ای ٹی وی بھارت کو بتایا کہ ہزاروں لوگ کنگبل علاقے میں ٹریکنگ کے لئے جاتے ہیں لیکن انکا بھائی کیسے لاپتہ ہوگیا اور نو دنوں سے انکا کوئی نام و نشان نہیں ہے حیران کن ہے-انہوں کہا کہ :'ہم تمام سیکیورٹی اور دیگر ایجنسیوں سے اپیل کرتے ہے کہ اگر ان کا بھائی انکے پاس ہے تو برائے مہربانی اسکو ہمارے حوالے کریں-' ہلال احمد گزشتہ اتوار کو اپنے دوستوں کے ساتھ گنگبل اور ناراناگ تفریح گاہوں میں ٹریکنگ کے لیے گئے تھے، تاہم انکے رشتہ داروں کا کہنا ہے کہ تب سے وہ لاپتہ ہے-مقامی پولیس نے کا کہنا یے کہ اس معاملے میں انہوں نے کیس درج کرکے تلاشی کاروائی شروع کی ہے اور نو روز سے وہ مقامی لوگوں اور دیگر رضاکاروں کے ساتھ انکی تلاش کرنے میں لگے ہوئے ہیں-رشتہ داروں نے انتظامیہ کے اعلیٰ عہدیداروں سے اپیل کی ہے کہ وہ تلاشی کاروائی میں سرعت لائے-