سرینگر:ڈائریکٹوریٹ آف اسکول ایجوکیشن کشمیر نے مرکز کے زیر انتظام جموں و کشمیر میں مدرسہ بورڈ کے قیام کی خاطر ایک ڈرافٹ کمیٹی کی تشکیل کو منظوری دی ہے۔اس ڈرافٹ کمیٹی میں اسکولی تعلیم کے اعلیٰ افسران و اہلکار کو شامل کیا گیا ہے۔
کمیٹی کو جموں و کشمیر میں مدرسہ بورڈ کے قیام کے لیے ایک جامع تجویز تیار کرنے کا کام سونپال گیا ہے۔ کمیٹی کے ارکان میں پرنسپل ایچ ایس ایس نوگام بانڈی پورہ ڈاکٹر خورشید احمد بٹ، سینیئر لیکچرر بی ایچ ایس ایس زڈی بل سرینگر ڈاکٹر شکیل احمد خان،سینیئر لیکچرر، بی ایچ ایس ایس مجگنڈ سرینگر محمد شفیع وانی، اور کوآرڈینیٹر مدارس نذیر احمد موٹا پر مشتمل ہیں۔
تشکیل دی گئی کمیٹی کا 3 جنوری سے 7 جنوری 2024 تک ڈائریکٹوریٹ اسکول ایجوکیشن میں اجلاس منعقد ہوگا، جس کا بنیادی مقصد ایک جامع مسودہ تیار کرنا ہے، تاکہ جموں و کشمیر میں مدرسہ بورڈ کے قیام میں لایا جاسکے ۔ایسے میں مزکورہ کمیٹی کو رواں ماہ 10 جنوری یا اس سے قبل محکمے اسکول ایجوکیشن کشمیر کے ڈائریکٹر کو اپنی سفارشات پیش کرے گی۔
مزید پڑھیں:
