سرینگر: مویشوں میں گانٹھ کی بیماری کے پھیلاؤ پر قابو پانے کے لئے جموں وکشمیر میں ضلع سطح پر متعلقہ ڈپٹی کمشنروں کی سربراہی میں نگران کمیٹیوں کی تشکیل کو منظوری دی گئی ہے۔ اس حوالے سے انتظامیہ کی جانب سے حکم نامہ جاری کیا گیا ہے جس میں مویشیوں میں گانٹھ کی بیماری کے پھیلاؤ کی روکتھام کے لیے متعلقہ ضلع ترقیاتی کمشنر کمیٹی کے چیئرمین ہوں گے جبکہ 6 رکنی کمیٹی میں چیف ایگزیکٹیو آفیسر میونسپل کونسل، چیف پلاننگ آفیسر، چیف انیمل ہسبنڈری آفیسر، ڈسٹرکٹ شیپ ہسبنڈری آفیسر اور ضلع پنچایت آفیسر ممبران ہوں گے۔District level Committee in JK to Tackle Lumpy Skin Disease
تشکیل دی گئی کمیٹی اس بات کی نگرانی کرے گی کہ آیا بیمار جانوروں کو صحت مند جانوروں سے الگ تھلگ کیا جا رہا ہے یا نہیں؟ اور یہ کمیٹی متاثرہ آوارہ جانوروں کو علیحدہ کرنے کو یقینی بنائے گی۔ وہیں کمیٹی اس بات کو بھی یقینی بنائے گی کہ جانوروں کو جلد کی بیماری سے بچایا جائے اور ہر ضلع میں ویکسین اور ادویات وغیرہ کی وافر مقدار دستیاب ہو۔ Lumpy Skin Disease in Jammu and Kashmir
واضح رہے کہ لمپی اسکن نامی (گانٹھ کی) بیماری میں جانوروں کی جلد پر پھوڑے یا گٹھلیاں بننا شروع ہو جاتی ہیں اور یہ نشان جانوروں کی جلد پر واضح نظر آتے ہیں۔ لمپی اسکن بنیادی طور پر ایک وائرس ہے جو وبا کی شکل میں ہی پھیلتا ہے جس سے متاثرہ جانور کی جلد پر پھوڑے نمودار ہونا شروع ہو جاتی ہیں، مویشی بخار میں مبتلا ہوتے ہیں ٹانگوں میں سوزش پیدا ہونے کے ساتھ ساتھ جانور چارہ کھانا بھی چھوڑ دیتے ہیں اور وزن تیزی سے کم ہونے لگتا ہے اور جانوروں کی موت بھی واقع ہو جاتی ہے۔ Cattle Farmers of JK Worries over Lumpy Skin Disease
