مرکزی وزارت داخلہ نے جموں و کشمیر یوٹی کے تمام سرکاری محکموں کو انسداد دہشت گردی کا دن منانے کی ہدایت دی ہے۔
وزارت کے مطابق "انسداد دہشت گردی کے دن کو ماننے کے ساتھ ساتھ یہ عہد بھی لیا جائے گا کہ تصادم کے خلاف لڑائی اور امن کو فروغ دیا جائے۔"
وزارت نے تمام انتظامیہ کے سکریٹریز کو ہدایت دی ہے کہ وہ اس پروگرام میں ملازمین کی شرکت کو یقینی بنائیں۔ واضح رہے کہ جمعہ کے روز جموں اور سرینگر میں یہ پروگرام 11 بجے منعقد کیا جائے گیا۔
دہشت گردی کے خاتمے کے مقصد کے ساتھ 21 مئی کو بھارت میں انسداد دہشت گردی کا دن منایا جاتا ہے۔ اسی دن سنہ 1991 میں ہی سابق وزیر اعظم راجیو گاندھی کو قتل کیا گیا تھا۔
