سرینگر: جموں و کشمیر پولیس کا کہنا ہے کہ نیشنل انسٹی ٹیوٹ آف ٹیکنالوجی (این آئی ٹی) حضرت بل، سرینگر میں دیر رات طلبہ کے دو گروپس کے درمیان ہاتھا پائی کے نتیجے میں پانچ طلبہ زخمی ہوگئے۔ NIT Srinagar Clash
گروہی تصادم میں این آئی ٹی سرینگر کے پانچ طلبہ زخمی
سرینگر پولیس کے مطابق والی بال میچ کے اختتام کے بعد تصادم شروع ہوا جس کے بعد این آئی ٹی انتظامیہ کی درخواست پر پولیس کیمپس میں داخل ہوئی۔ این آئی ٹی انتظامیہ کا کہنا ہے کہ ’’کیمپس میں اس وقت صورتحال قابو میں ہے۔‘‘
سرینگر پولیس نے ٹیوٹ کرتے ہوئے کہا کہ ’’این آئی ٹی سرینگر میں رات گئے ایک تنازع ہوا جس میں والی بال میچ کے اختتام کے بعد مختلف بیچز سے تعلق رکھنے والے طلبہ کے دو گروپس میں تصادم ہوا۔ دونوں اطراف کے پانچ طالب علموں کو معمولی چوٹیں آئیں۔ این آئی ٹی انتظامیہ کی درخواست پر پولیس کیمپس میں داخل ہوئی اور صورتحال اب معمول پر ہے۔‘‘
