ترال کے باتی پورہ ڈاڈسرہ میں سرچ آپریشن جاری

ترال کے باتی پورہ ڈاڈ سرہ میں خفیہ اطلاع ملنے کے بعد سیکورٹی فورسز نے علاقے کا محاصرہ کرکے سرچ آپریشن کی کارروائی شروع کردی ہے۔

عسکریت پسندوں کی موجودگی کے حوالے سے خفیہ اطلاع ملنے کے بعد سیکورٹی فورسز نے باتی پورہ ڈاڈسرہ ترال کا محاصرہ کر کے سرچ آپریشن کی کارروائی شروع کردی ہے۔ محلے کے تمام داخلی و خارجی راستوں پر پہرے بٹھا دیے گئے ہیں اور کسی کو بھی گھر سے باہر آنے کی اجازت نہیں دی جا رہی ہے۔

آخری اطلاع تک فوج کی 42 آرآر، سی آر پی ایف کی 180 بٹالین اور ایس او جی ترال کی جانب سے شروع کیا گیا مشترکہ سرچ آپریشن جاری ہے اور گھر گھر تلاشی کا سلسلہ شروع کیا گیا۔

مزید تفصیلات کا انتظار ہے