مرکز کے زیر انتظام جموں و کشمیر کے گرمائی دار الحکومت سرینگر میں اپنی نوعیت کا ایک پہلا واقعہ رونما ہوا ہے۔ یہاں 22 اکتوبر 1947 کی مناسبت سے 'یوم سیاہ' کے بورڈ چسپاں کئے گئے۔
22 اور 23 اکتوبر کو جموں و کشمیر حکومت کے تعاون سے قومی میوزیم انسٹی ٹیوٹ آف ہسٹری آف آرٹ، کنزرویشن اینڈ میوزولوجی کے زیر اہتمام دو روزہ 'نیشنل سمپوزیم' منعقد ہونے والا ہے۔ تاہم اس سے قبل سری نگر کے متعدد مقامات پر 'یوم سیاہ' کے بل بورڈ لگائے گئے ہیں۔
بتایا جاتا ہے کہ نیشنل میوزیم انسٹی ٹیوٹ کے ذریعہ کشمیر میں "22 اکتوبر 1947 کی یاد" پر مبنی دو روزہ سمپوزیم تاریخی واقعات پر مشتمل ہوگا۔
واضح رہے 22 اکتوبر 1947 میں پاکستانی قبائلی حملہ آوروں نے سرحد عبور کر کے کشمیر پر حملہ کر دیا تھا۔ جس کے بعد مہاراجہ نے بھارت سے فوجی مدد طلب کی تھی۔ 26 اکتوبر 1947 کو مہاراجہ ہری سنگھ نے بھارت کے ساتھ انضمام کے معاہدے پر دستخط کردیے۔ اور بھارتی فوجی قبائلیوں کے حملے کو ناکام بنانے کے لئے ریاست کے دارالحکومت سری نگر پہنچ گئی۔
