جموں کشمیر کے بی جے پی صدر رویندر رینہ نے سخت رد عمل ظاہر کرتے ہوئے کہا ہے کہ کشمیر ملک کا تاج ہے۔
جموں کشمیر کے صدر رویندر رینہ نے کانگریس رہنما کے اس بیان کو ملک مخالف قرار دیتے ہوئے کہا کہ کانگریس پاکستانی ایجنڈا چلا کر جموں کشمیر کو تشدد میں ڈھکیلنا چاہتے ہیں۔
انہوں نے کہا کانگریس نے ایک بار پھر یہ ثابت کر دیا ہے کہ وہ پاکستانی ایجنڈا چلانا چاہتے ہیں۔
رینہ نے کہا کہ 'آرٹیکل 370 نے گزشتہ 70 برسوں سے کشمیر کو برباد کرکے رکھا ہے اور کانگریس نے جموں کشمیر میں آرٹیکل 370 بحال کرنے کی بات کی ہے۔ جبکہ اس کو ختم کرنے کا کام ہمارے وزیراعظم اور بی جے پی حکومت نے کی ہے۔'
انہوں نے مزید کہا کہ کانگریس 370 کو بحال کر کے دوبارہ علیحدگی پسندوں کو فروغ دیے گی 'کانگریس کا ہاتھ پاکستان کے ساتھ' یہ کانگریس کی ذہنیت ہے جو پاکستان کہتا ہے وہی کانگریس کرتی ہے۔
