سابق وزیر اعلیٰ ڈاکٹر فاروق عبداللہ مقتول مکھن لال بندرو کی رہائش گاہ پر پہنچے اور مقتول کے فرزند ڈاکٹر سدھارت بندرو کی ساتھ تعذیت و ہمدردی کا اظہار کیا۔
ڈاکٹر فاروق عبداللہ نے کہا کہ بندرو کی ہلاکت بہت بڑا صدمہ ہے اور ایک معصوم کا قتل کیا گیا ہے۔
یاد رہے کہ سرینگر کے سونہ وار علاقے میں بندرو کی رہائش گاہ پر لواحقین کے ساتھ اظہار ہمدردی کرنے کے لئے مقامی لوگوں کے علاوہ پولیس اور سول انتظامیہ کا تانتا بندھا رہا۔
مقتول بندرو کے فرزند ڈاکٹر سدھارت بندرو نے کہا کہ ’’پورا خاندان اس وقت صدمے میں ہے۔‘‘ اور انہیں افسوس ہے کہ ’’اس معصوم شخص کی ہلاکت کی گئی جنہوں نے پوری عمر وادی میں عام لوگوں کی خدمت کی۔‘‘
قابل ذکر ہے کہ مکھن لال بندرو کو گزشتہ کل پولیس کے مطابق نامعلوم عسکریت پسندوں نے انکے میڈیکل اسٹور واقع اقبال پارک، سرینگر پر ہلاک کیا۔
مزید پڑھیں: مکھن لال بندرو کی رہائش میں صف ماتم
اس واقعہ پر وادی کشمیر کے لوگوں نے افسوس کا اظہار کرتے ہوئے لواحقین کے ساتھ ہمدردی کا اظہار کیا ہے۔
وہیں سیاسی جماعتوں نے اس واقعے کی مذمت کرتے ہوئے بندرو کہ ہلاکت پر افسوس کا اظہار کیا۔
