سرینگر میں گورنر ستیہ پال ملک نے ایک تقریب کے دوران ان گاڑیوں کو عوام کے نام وقف کیا جس دوران مرکزی وزیر برائے صنعت و حرفت اروبد گنپت بھی موجود تھے۔
یہ 40 گاڑیاں ریاست کے دو شہروں جموں اور سرینگر میں چلیں گی، جس میں 20 سرینگر اور 20 جموں شہر میں مسافروں کیلئے دستاب رہیں گی۔
حکام کا ماننا ہے کہ نئی مسافر گاڑیوں سے عوام کو آمد و رفت میں آسانی ہونے کے ساتھ ساتھ ان سے ماحولیاتی آلودگی کو کم کیا جائے گا۔
حکام کا کہنا ہے کہ خطہ چناب، جہاں پر سڑک حادثات معمول بن چکے ہیں اور ہزاروں انسانی جانیں تلف ہوتیں ہیں، کیلئے 30 نئی مسافر گاڑیاں فراہم کی جائیں گی جس سے سڑک حادثات پر قابو پایا جا سکے گا۔
حکام کے مطابق لداخ اور گریز کیلئے بھی جدید مسافر گاڑیوں کا بندو بست عنقریب کیا جائے گا۔
انہوں نے مزید کہا کہ ریاست میں 15 سال پرانی مسافر بسوں کو کالعدم کیا جائے گا اور ان مالکان کو سرکاری اسکیم کے تحت 5 لاکھ روپئے دئے جائیں گے تاکہ وہ نئی گاڑیاں خرید سکیں۔
