سرینگر: سڑک حادثے میں مزدور ہلاک

سرینگر کے سونہ وار علاقے میں جمعرات کو سڑک حادثے میں 17سالہ مزدور ہلاک جبکہ ایک اور شخص شدید زخمی ہو گیا۔

وسطی کشمیر کے ضلع گاندر بل سے تعلق رکھنے والا ایک17سالہ مزدور سرینگر کے سونہ وار علاقے میں جی بی پنتھ اسپتال کے نزدیک سڑک حادثے میں ہلاک ہو گیا۔

ہلاک ہونے والے نوجوان کی شناخت عمر قادر گنائی ولد غلام قادر گنائی کے طور پر کی گئی ہے۔

اس حادثے میں 22سالہ دانش احمد بٹ ولد محمد الطاف بٹ بھی شدید طور پر زخمی ہوگیا۔ دونوں افراد ضلع گاندربل کے واکورہ علاقے کے رہنے والے ہیں۔

اس ضمن میں پولیس نے مقدمہ درج کرکے مزید کارروائی شروع کر دی ہے۔