ایک افسر نے بتایا کہ 143 افراد کو جموں و کشمیر حکومت کے حوالے کیا جائے گا۔ بتایا جاتا ہے کہ ان کی طبی جانچ ہونے کے بعد انہیں روانہ کیا جائے گا۔ انہیں بس سے جموں و کشمیر بھیجا جائے گا۔ ایک بس میں 25 افراد ہوں گے۔
بتایا جاتا ہے کہ ان لوگوں کے جموں و کشمیر پہنچنے کے بعد بھی ان کی ٹیسٹنگ کی جائے گی اس کے بعد انہیں جموں و کشمیر حکومت اپنے یہاں رکھے گی۔
قابل ذکر ہے کہ کورونا وائرس کی وجہ سے پورے ملک میں لاک ڈاؤن ہے۔ اس وجہ سے کئی جگہ کے مزدور وہاں پھنسے ہوئے ہیں۔
خیال رہے کہ دنیا بھر میں کورونا وائرس سے اب تک 30 لاکھ سے زائد افراد متاثر ہیں۔ کورونا وائرس سے دنیا بھر میں دو لاکھ سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے 8.96 لاکھ سے زائد افراد ٹھیک ہو چکے ہیں۔
بھارت میں کورونا وائرس سے 29 ہزار سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 934 ہو چکی ہے۔ کورونا وائرس سے متاثر افراد میں سے تقریبا 6869 افراد ٹھیک ہو چکے ہیں۔
