شوپیان کے ضلع اسپتال میں زیر علاج ایک بچی کے والدین نے انتظامیہ پر سنگین الزام عائد کیا ہے۔ بچی کے والدین کا کہنا ہے کہ ضلع اسپتال شوپیان میں ان کی چھ ماہ کی بچی کو چار روز تک ایکسپائر انجکشن لگائے گئے اور معجزاتی طور پر اس بچی کی زندگی بچ گئی اور وہ ابھی زندہ ہے۔
بچی کے والد محمد اقبال کٹاری کا الزام ہے کہ گزشتہ چار روز سے ان کی چھ ماہ کی بیٹی ضلع اسپتال شوپیان میں زیر علاج ہے۔ اسے چار روز تک جو انجکشن لگائے گئے وہ ایکسپائر ہو گئے تھے۔
اس سے پہلے بھی ضلع اسپتال شوپیان سے ایک واقع سامنے آیا تھا جس میں الزام لگایا گیا تھا کہ ایک حاملہ خاتون سے بلاوجہ پیسے لیے گئے۔ اگر حکومت ان افراد کے خلاف کوئی سخت کارروائی کرتی تو شاید یہ واقعہ پیش نہیں آتا۔
یہ بھی پڑھیں: شوپیاں: گورنمنٹ اسکول میں اساتذہ کی کمی، طلبہ کا مستقبل داؤ پر
اس سلسلہ میں چیف میڈیکل افسر شوپیان نے فون پر بتایا کہ وہ اس وقت اسپتال میں موجود نہیں ہیں اور اس معاملے میں جن بھی افراد کو ملوث پایا جائے گا ان کے خلاف سخت کارروائی کی جائے گی۔
