جنوبی کشمیر کے شوپیان ضلع کے راولپورہ علاقے میں تین روز سے جاری انکاؤنٹر میں اب تک دو عسکریت پسندوں کو ہلاک کیا گیا ہے جبکہ انکائونٹر کے مقام پر تین رہائشی مکان بھی تباہ ہو گئے ہیں۔
ہفتہ کی صبح حفاظتی اہلکاروں نے راولپورہ، شوپیاں کو اس وقت محاصرے میں لے لیا جب انہیں علاقے میں عسکریت پسندوں کے چھپے ہونے کی اطلاع موصول ہوئی تھی۔ ہفتہ کی شام کو عسکریت پسندوں اور حفاظتی اہلکاروں کے مابین گولیوں کا تبادلہ شروع ہوا، جو ابھی بھی جاری ہے۔
انکائونٹر کے دوران اب تک دو عسکریت پسندوں کو ہلاک کیا جا چکا ہے جن میں سے ایک کی شناخت ذرائع نے ضلع کے نارہ پورہ کے جہانگیر احمد وانی ولد محمد عبداللہ وانی کے طور پر کی تھی۔ جبکہ آج صبح ایک اور عسکریت پسند سجاد افغانی کو ہلاک کر دیا گیا ہے جن کا تعلق عسکری تنظیم جیش محمد سے بتایا جا رہا ہے تاہم ابھی تک اسکی تصدیق نہیں کی گئی ہے۔
گزشتہ روز ایک عسکریت پسند کی لاش برآمد کیے جانے کے بعد حفاظتی اہلکاروں کو علاقے میں مزید عسکریت پسندوں کے چھپے ہونے کا خدشہ تھا جس دوران علاقے کو لگاتار محاصرے میں رکھا گیا۔ اور آج صبح انکائونٹر کے مقام پر عسکریت پسندوں اور فورسز کے مابین پھر سے گولیوں کا تبادلہ شروع ہو گیا۔
تصادم کے دوران تین رہائشی مکانوں کو بھی زمین بوس کردیا گیا ہے۔
-
#ShopianEncounterUpdate: 01 more #unidentified #terrorist killed (Total 02). Search going on. Further details shall follow. @JmuKmrPolice https://t.co/Rh2bbcNass
— Kashmir Zone Police (@KashmirPolice) March 15, 2021 " class="align-text-top noRightClick twitterSection" data="
">#ShopianEncounterUpdate: 01 more #unidentified #terrorist killed (Total 02). Search going on. Further details shall follow. @JmuKmrPolice https://t.co/Rh2bbcNass
— Kashmir Zone Police (@KashmirPolice) March 15, 2021#ShopianEncounterUpdate: 01 more #unidentified #terrorist killed (Total 02). Search going on. Further details shall follow. @JmuKmrPolice https://t.co/Rh2bbcNass
— Kashmir Zone Police (@KashmirPolice) March 15, 2021
گزشتہ روز انکاؤنٹر کے دوران مقامی نوجوانوں نے فورسز اہلکاروں پر پتھراؤ کیا جنہیں منتشر کرنے کے لیے فورسز اہلکاروں نے پیلٹ اور آنسو گیس کا استعمال کیا، جس کے نتیجہ میں تین نوجوان زخمی ہوگئے ہیں جن میں پیلٹ لگنے سے زخمی ہوئے نظیر احمد وانی کو ضلع اسپتال شوپیان سے سرینگر کے ایس ایم ایچ ایس ہسپتال منتقل کیا گیا ہے۔ پتھراؤ کے دوران ایک پولیس اہلکار کے زخمی ہونے کی بھی اطلاع ہے۔
پیر کی صبح حفاظتی اہلکاروں اور عسکریت پسندوں کے درمیان پھر سے گولیوں کا تبادلہ شروع ہو گیا ہے اور اب تک کل دو عسکریت پسندوں کو ہلاک کیا گیا ہے جبکہ انکائونٹر ابھی بھی جاری ہے۔
