شوپیاں: پیٹرول بم سے اسکول کو نقصان

جموں و کشمیر کے جنوبی ضلع شوپیاں میں نامعلوم افراد نے اسکول پر پیٹرول بم پھینکا جسکی وجہ سے اسکول کو جزوی طور پر نقصان پہنچا۔

تفصیلات کے مطابق نامعلوم افراد نے جمعہ کی شام دیر گئے قریب 7 بجکر 40 منٹ پر کمبدلن شوپیان میں قائم ہائر اسکنڑری اسکول پر پیٹرول بم پھینکا جو اسکول کے آفس پر لگا۔ پیٹرول بم کی وجہ اسکول کے آفس کو آگ لگ گئی اور جزوی طور پر نقصان پہنچا۔

واضح رہے کہ وادی کشمیر میں دسویں جماعت کے امتحانات چل رہے ہیں اور اس اسکول میں امتحان سینٹر تھا۔