شوپیاں:ایک ترقی پذیر اور مہذب سماج میں خواتین کا کلیدی رول ہوتا ہے اور آج ایسا کوئی شعبہ نہیں جہاں خواتین کا تعاون شامل حال نہیں ۔ ان باتوں کا اظہار نیشنل کانفرنس خواتین ونگ کی ریاستی صدر شمیمہ فردوس نے پہاڑی ضلع شوپیاں میں ایک تقریب سے خطاب کرتے ہوئے کیا۔Shamima Firdous women wing national conference president
تقریب کا انعقاد ضلع شوپیاں کے پادپاون علاقے میں کیا جہاں خواتین کی ایک خاصی تعداد نے شرکت کی ۔ پارٹی میں شمولیت کرنے والوں میں پنچایتی اراکین، ڈی ڈی سی ممبر اور تعلیم یافتہ خواتین بھی شامل تھیں۔اس موقع پر صوبائی صد را نجینئرصیبیہ قادری نے بھی خطاب کیا۔ خواتین کو با اختیار بنانے کیلئے نیشنل کانفرنس کی طرف سے اقدامات کا حوالہ دیتے ہوئے شمیمہ فردوس نے کہا کہ اس جماعت کی قیادت کی کوششوں سے جموں و کشمیر میں خواتین کو با اختیار بنایا جا سکا۔ NC Programme In Shopian
انہوں نے کہا کہ نیشنل کانفرنس کی تاریخی اقدامات کا ہی ثمر ہے کہ آج جموں و کشمیر کی خواتین ہر ایک شعبے میں مردوں کے شانہ بہ شانہ کام کر رہی ہیں۔ شمیمہ فردوس نے کہا کہ جموں و کشمیر کو اس وقت زبردست چیلنجوں کا سامنا ہے اور خواتین کی شمولیت کے بغیر ان چیلنجوں کا سامنا نہیں کیا جا سکتا۔
مزید پڑھیں: NC Leader on JK Assembly Elections: ’کشمیر میں سب کچھ ٹھیک ہے پھر انتخابات منعقد کیوں نہیں کرائے جاتے‘
اس تقریب میں نیشنل کانفرنس کے سینئر لیڈران جن میں شوکت حسین گنائ سابق ایم ایل سی وچی، شیخ محمد رفیع سابقہ ایم ایل اے شوپیاں ، ڈی ڈی سی ممبر محمودہ ، نثار احمد سینئر رہنما کے علاہ دیگر پارٹی کارکنان نے شرکت کی ۔
