فورسز اہلکاروں کو منگل کی درمیانی شب قریب 11 بجے ترکہ وانگام شوپیان میں عسکریت پسندوں کی موجودگی کی خفیہ اطلاع ملی تھی جسکے بعد فورسز اہلکاروں جن میں فوج کی 44 راشٹریہ رائفلز، سی آر پی ایف کی 178 بٹالین اور جموں و کشمیر پولیس شامل ہیں نے ضلع شوپیاں کے ترکہ وانگام علاقے کو گھیرے میں لیکر گھر گھر تلاشی کارروائی شروع کی جو ابھی بھی جاری ہے۔
ترکہ وانگام علاقے میں گزشتہ 20 گھنٹوں سے محاصرہ جاری ہیں۔
ذرائع کے مطابق فورسز اہلکاروں کو علاقے میں چار عسکریت پسندوں کے چھپے ہونے کی اطلاع ملی ہے جو ابھی بھی اس علاقے میں چھپے ہو سکتے ہیں جن میں ایک ترکہ وانگام کا رہنے والا آصف احمد لون بھی ہے۔
فورسز اہلکاروں نے اس مقامی عسکریت پسند کے والدین کو بلایا اور لاؤڈ اسپیکر پر انہوں نے اپنے بیٹے سے خود سپردگی کرنے کو کہا۔
ذرائع کے حوالے سے معلوم ہوا ہے کہ فورسز اہلکاروں نے ترکہ وانگام علاقے کے کافی حصے کو محاصرے میں لیا ہوا ہے اور پورے علاقے کی تلاشی میں مزید وقت لگ سکتا ہے۔
