راولپورہ، شوپیاں کا محاصرہ، تلاشی آپریشن جاری

فوج کی 34 راشٹریہ رائفلز، سی آر پی ایف کی 14 بٹالین اور جموں کشمیر پولیس نے مشترکہ طور جنوبی کشمیر کے شوپیاں ضلع کے راولپورہ علاقے کو محاصرے میں لے کر تلاشی آپریشن شروع کیا ہے۔

فورسز اہلکاروں نے عسکریت پسندوں کی موجودگی کی خفیہ اطلاع ملنے کے بعد علاقے کو محاصرے میں لے کر عسکریت پسندوں کو ڈھونڈ نکالنے کی کوشش شروع کردی ہے۔

وہیں فورسز اہلکاروں نے جمعہ اور ہفتہ کی درمیانی شب آرش گناپورہ علاقے میں بھی تلاشی آپریشن شروع کیا تھا۔ تاہم عسکریت پسندوں کے ساتھ کوئی آمنا سامنا نہ ہونے کی وجہ سے وہاں محاصرہ ختم کیا گیا۔

دریں اثناء ضلع پلوامہ کے ترال قصبہ میں سکیورٹی فورسز نے نئی بستی علاقے کو محاصرے میں لے کر سرچ آپریشن شروع کر دیا ہے۔