شوپیان کے رامنگری میں تلاشی آپریشن شروع

آج صبح بھی ضلع کے ترکہ وانگام علاقے کو محاصرے میں لے کر تلاشی آپریشن شروع کیا گیا تھا۔ تاہم بعد میں عسکریت پسندوں کے ساتھ کوئی آمنا سامنا نہ ہونے کے بعد اس تلاشی آپریشن کو ختم کر دیا گیا تھا۔

جنوبی کشمیر کے شوپیان ضلع میں فورسز اہلکاروں نے مشترکہ طور پر شدید سردی اور برفباری کے دوران رامنگری علاقے کو گھیرے میں لے کر تلاشی آپریشن شروع کیا ہے۔

تفصیلات کے مطابق فوج کی 62 راشٹریہ رائفلز، سی آر پی ایف اور جموں و کشمیر پولیس نے مشترکہ طور پر عسکریت پسندوں کی موجودگی کی خفیہ اطلاع ملنے پر شوپیان ضلع کے رامنگری علاقے کو گھیرے میں لے کر گھر گھر تلاشی آپریشن شروع کر دیا ہے۔

بتادیں کہ ضلع شوپیان میں شدید سردی کے درمیان برفباری بھی ہو رہی ہے۔ اس دوران ترکہ رامنگری علاقے میں تلاشی آپریشن شروع کیا گیا ہے۔

یاد رہے کہ آج صبح بھی ضلع کے ترکہ وانگام علاقے کو محاصرے میں لے کر تلاشی آپریشن شروع کیا گیا تھا۔ تاہم بعد میں عسکریت پسندوں کے ساتھ کوئی آمنا سامنا نہ ہونے کے بعد اس تلاشی آپریشن کو ختم کر دیا گیا تھا۔