جموں: جموں و کشمیر انتظامیہ نے سانبہ ضلع میں بین الاقوامی سرحد (آئی بی) کے ساتھ والے علاقوں میں رات کا کرفیو نافذ کرنے کا فیصلہ کیا ہے۔ یہ فیصلہ بارڈر سکیورٹی فورسز کے مشورہ کے بعد لیا گیا ہے تاکہ بی ایس ایف کے جوان بہتر طریقے سے علاقے کی نگرانی کرسکے اور سرحد پر کسی بھی دراندازی کی کوشش کو ناکام بنایا جاسکے۔
اتوار کے روز ڈسٹرکٹ مجسٹریٹ سانبہ ابھیشیک شرما کی طرف سے جاری کردہ حکم میں کہا گیا ہے کہ ہند-پاک سرحدی لائن پر موجود گہرے دھند کی وجہ سے یہ فیصلہ لیا گیا، تاکہ سرحد پار سے دراندازی اور ڈرون کے ذریعے ہتھیاروں کی اسمگلنگ کو روکنے میں مدد ملے۔
حکم نامے کے مطابق سانبہ ضلع میں آئی بی سے ایک کلومیٹر طویل پٹی میں رات 9 بجے سے صبح 6 بجے تک شہریوں کی نقل و حرکت پر پابندی لگا دی گئی ہے۔ضلع ترقیاتی کمشنر سانبہ نے حکم نامے میں مزید کہا کہ بین الاقوامی سرحد کے ساتھ ایک کلومیٹر تک کے علاقے میں رات کے وقت 9 بجے سے صبح 6 بجے تک کوئی بھی شخص یا افراد کا گروہ کوئی نقل و حرکت نہیں کرے گا، اس لیے دفعہ 144 کے تحت آئی بی کے ساتھ رات کا کرفیو نافذ ہوگا۔
مزید پڑھیں:
