ضلع ریاسی میں بدھ کو ڈی ڈی سی چیئرپرسن انتخابات عمل میں لائے گئے۔ بھاجپا نے سرف سنگھ ناگ اور نیشنل کانفرس نے بابو جگجیون لال کو چیئرپرسن عہدے کے لیے نامزد کیا تھا۔
وائس چیئرپرسن کے لیے بھاجپا نے عبدالرشید کو مینڈیٹ دیا تھا جبکہ ان کے مد مقابل آزاد امیدوار ایڈوکیٹ ساجرہ قادر میدان میں تھیں۔
چیئرپرسن نشست حاصل کرنے والے سرف سنگھ ناگ نے 9 ووٹ لے کر جیت درج کی۔ وہیں نیشنل کانفرنس نے 5 ووٹ حاصل کئے۔
مزید پڑھیں : جموں و کشمیر میں آئندہ 10 دنوں تک موسم خشک رہنے کا امکان
وائس چیئرپرسن نشست کے لیے آزاد امیدوار ساجرہ قادر اور بھاجپا کے عبدالرشید کو سات سات ووٹ حاصل ہوئے۔ دونوں امیدواروں کو برابر ووٹ حاصل ہونے پر وائس چیئرپرسن نشست کا فیصلہ قرعہ اندازی سے کیا گیا جس میں ساجرہ قادر کامیاب ہوئیں۔
