ضلع رامبن میں دو مختلف سڑک حادثات میں دو لوگ ہلاک اور باقی چار افراد زخمی ہو گئے۔ گزشتہ رات ڈوڈہ سے وادی کشمیر مریضوں کو لیکر جا رہی ایک ایمبولینس گاڑی بٹوت کے مقام پر حادثے کا شکار ہو گئی جس کے نتیجے میں ایک خاتون کی موت اور تین دیگر افراد زخمی ہو گئے۔
روڈ ایکسیڈینٹ
دوسرے حادثے میں آج قومی شاہراہ پر بیٹری چشمہ کے مقام پر ایک ٹرک شاہراہ سے لڑھک کر گہری کھائی میں جا گرا، جس کے نتیجے میں ڈرائیور کی موقع پر ہی موت ہوئی اور ٹرک ہیلپر شدید زخمی حالت میں ضلع ہسپتال رامبن داخل کرایا گیا۔
یہ بھی پڑھیں:
رامبن: سڑک حادثے میں ایک شخص ہلاک
بٹوت میں ہوئے ایمبولینس حادثے پر گاڑی میں سوار ایک شخص جس کی ماں ہلاک ہو گئی نے بتایا کہ ڈرائیور کی لاپرواہی حادثے کی وجہ بنی۔
