جموں سرینگر قومی شاہراہ پر بانیہال کے نزدیک جواہر ٹنل کے مقام پر ایک ٹرک ڈرائیور کی مشکوک حالت میں موت واقع ہو گئی ہے۔
پولیس ذرائع کے مطابق گزشتہ شب قریب دو بجے پولیس کو ٹرک کے اندر ایک شخص بے ہوشی کی حالت میں ہونے کی خبر موصول ہوئی۔ پولیس نے بروقت کارروائی کر کے ٹرک ڈرائیور کو سب ڈسٹرکٹ ہسپتال بانیہال منتقل کیا جہاں ڈاکٹروں نے انہیں مردہ قرار دیا۔
متوفی کی شناخت منظور احمد ولد عبد الرحمان لون ساکنہ سرینگر کے نسبت سے ہوئی ہے۔
بانیہال پولیس نے قانونی کارروائی کرنے کے بعد لاش کو لواحقین کے حوالے کردیا۔
اس سلسلے میں پولیس نے 174 سی آر پی سی کے تحت کارروائی شروع کر دی ہے۔
