ایس پی رامبن پی ڈی نیتا نے آج ضلع رامبن کے گول سب ڈویژن ہیڈکوارٹر کا دورہ کیا۔ اس موقع پر انہوں معزز شہریوں و نوجوانوں کے ساتھ کی میٹنگ کی اور امن و امان کی بحالی پر تبادلہ خیال کیا۔ انہوں نے لوگوں سے آپسی بھائی چارے بنائے رکھنے کی اپیل کی گئی۔
انہوں نے اس موقع پر کہا کہ پولیس عوام کے ساتھ ہے اور بالخصوص نشہ خوری کو جڑ سے ختم کرنے کے لیے عوام کا تعاون لازمی ہے۔ انہوں نے مزید کہا کہ کسی بھی شر پسند شخص کو بخشا نہیں جائے گا۔
انہوں نے لوگوں سے اپیل کی کہ گول میں بھارت پاکستان کرکٹ کے دوران اگر کسی نوجوان نے کوئی غلطی کی ہوگی تو اُسے ایک موقع دیا جائے اور اسے نظر انداز کیا جائے، کیونکہ یہ نوجوانوں کے مستقبل کا مسئلہ ہے اور نوجوانوں ہی قوم کا سرمایہ ہیں'۔
لوگوں نے پولیس کی کاوشوں اور کوششوں کی سراہنا کرتے ہوئے کہا کہ گول کے عوام پولیس کے شانہ بشانہ کھڑے ہیں، بالخصوص شرپسند عناصر کو سزا دینے اور نشہ خوری کی لت کو ختم کرنے کی مہم میں ہر وقت ساتھ دینے کے لیے تیار ہیں۔'
- مزید پڑھیں: سرینگر - شارجہ پرواز: پاکستان نے فضائی حدود استعمال کرنے کی اجازت نہیں دی
- موہن لال اور محمد اکرم چودھری جموں و کشمیر اور لداخ ہائی کورٹ کے جج مقرر
اس دوران ایس ایس پی رام بن نے گول ہائر سکینڈری سکول کے احاطہ میں تائیکونڈو کھیل میں حصہ لے رہے بچوں سے بھی ملاقات کی۔ تائیکونڈو کے کوچ اروند سیتی سے بھی اس بارے میں انہوں نے تبادلہ خیال کیا۔ اس موقع پر لوگوں نے پولیس کی جانب سے نوجوانوں کو کھیل کی جانب راغب کرانے اور دیگر کاموں میں مشغول کرنے کی بھی اپیل کی۔
