جموں سری نگر قومی شاہراہ پر حادثہ

ریاست جموں و کشمیر کے ضلع رامبن میں جموں سری نگر قومی شاہراہ پر جمعرات کی صبح سڑک حادثہ پیش آیا جس میں تین افراد کی موت ہوگئی۔

اس سلسلہ میں پولیس نے کیس درج کیا اور تفتیش شروع کردی ہے۔ قانونی کارروائی کے بعد لاشوں کو ورثاکے حوالے کردیا جائے گا۔
پولیس کے مطابق پنجاب سے مرغوں سے بھرا ایک ٹرک جس کا نمبر Pb35Z-4505 ہے، سری نگر کی طرف جارہا تھا کہ صبح پانچ بجے قومی شاہراہ پر ضلع رامبن کے نزدیک ڈیکڈول کے مقام پر بے قابو ہوگیا اور1500 فٹ گہرے نالے میں گرگیا۔
اس حادثہ میں ڈرائور اور دو افراد موقع پر ہلاک گئے ، اس موقع پر آرمی اور پولیس جوانوں نے بڑی مشقت کے بعد لاشوں کو گہری کھائی سے نکال کر ضلع منتقل کیا۔
ہلاک ہونے والوں کی شناخت ڈرائیور راکیش سہانی، جسونت سنگھ سہانی جو چاولہ نورنگپورہ پٹھان کوٹ پنجاب کے رہنے والے تھے جبکہ تیسرے فوت شخص کی شناخت نہیں ہو پائی۔