رامبن: ملازم کی کورونا رپورٹ مثبت، بینک سیل

مرکز کے زیر انتظام علاقے جموں و کشمیر کے ضلع رامبن میں جموں کشمیر بینک کی بانہال برانچ میں ایک ملازم کی کورونا وائرس رپورٹ مثبت آنے کے بعد ضلع مجسٹریٹ نے بینک کو سیل کر دیا۔

بانہال کے تحصیلدار کے مطابق انتظامیہ نے احتیاط کے طور پر جموں کشمیر بینک کی بانہال برانچ کے ملازموں کے کووڈ 19 نمونے لیے تھے جس میں ایک ملازم رپورٹ مثبت آئی اور مجسٹریٹ نے بینک کی شاخ کو سیل کردیا ہے

اس کے علاوہ مثبت مریض کے سات افراد خانہ کو گھر میں ہی کوارنٹائن کر دیا گیا ہے کل چیف میڈیکل افسر رامبن کی نگرانی میں انکے نمونے جانچ کے لیے جاے گی

واضح رہے کہ ضلع رامبن میں کووڈ 19 کے تین نئے معاملات سامنے آنے سے ضلع میں متاثرین کی تعداد 173 تک پہنچ گئی جبکہ 23 افراد صحتیاب ہوکر گھر لوٹ چکے ہیں۔