محکمہ بجلی کی لاپرواہی کے خلاف احتجاج

ریاست جموں کشمیر کے ضلع رامبن میں آج شام محکمہ بجلی کی لاپرواہی سے ایچ ٹی تار ایک مسجد کے اوپر گر نے کے بعد لوگوں نے محکمہ کے خلاف زبردست احتجاج کیا۔

اطلاعات کے مطابق آج شام ضلع رامبن کی تحصیل کھڑی کے دوردراز علاقہ اہمہ ترگام میں لوگ نماز کی تیاری کررہے تھے کہ اچانک تار مسجد کے چھت کے اوپر آگری جس سے لوگوں میں کافی دہشت کا ماحول پیدا ہو گیا۔

لوگوں نے محکمہ کے خلاف جم کر نعرہ بازی کی اور محکمہ کے خلاف کاروائی کرنے کا مطالبہ کیا۔

انہوں نے کہا کہ اگر پولیس نے اس معاملے میں کارروائی نہیں کی تو وہ کل قومی شاہراہ پر دھرنا دینے پر مجبور ہوں گے۔