مرکز کے زیر انتظام جموں وکشمیر کے ضلع رامبن کے تعلیمی زون بٹوت کے گورنمنٹ پرائمری اسکول دھندل کی عمارت خستہ حالی کا شکار ہے۔
لوگوں کا کہنا ہے کہ تعلیمی زون بٹوت کی پنچایت کمیت کے پرائمری سکول دھندل کی عمارت گذشتہ چار سالوں سے خستہ حال ہے جو اسکول میں زیر تعلیم درجنوں کمسن طلبا ء کے لئے بہت خطرناک ثابت ہو سکتی ہے۔ اسکول میں زیادہ تر غریب گھرانوں سے تعلق رکھنے والے بچے پڑھتے ہیں تاہم عمارت کی شکستہ حالت کی وجہ سے بچوں کا مستقبل اور ان کی زندگیاں خطرے سے دو چار ہیں۔
مقامی لوگوں کے مطابق اسکول کی عمارت کی حالت انتہائی خراب ہے اور مرمت نہ ہونے کے باعث عمارت مخدوش ہو چکی ہے۔ سکول میں بیت الخلاء کا کوی انتظام نہیں ہے۔
یہ بھی پڑھیں: کشمیر کے تاریخی کھیل کو فروغ دینے والا نوجوان
اگرچہ سکول کی مرمت کے نام پر ہر سال سرکاری خزانہ سے رقم نکالی جاتی جو صرف کاغذات تک ہی محدود ہے۔ ان کے مطابق ماضی میں بھی متعدد بار زونل ایجوکیشن افسر کو اور دیگر افسران کو تحریری اور زبانی طور پر شکایات درج کی گئی لیکن سب نے دلاسے دیے ہیں اور اسکول کے لیے کچھ نہیں کیا۔ انہوں نے کہا کہ اسکول میں زیادہ تر غریب گھرانوں سے تعلق رکھنے والے بچے پڑھتے ہیں تاہم عمارت کی شکستہ حالت کی وجہ سے بچوں کے والدین فکر مند ہیں۔ انہوں نے ضلع اور لیفٹیننٹ گورنر سے عمارت کو از سر نو تعمیر کرنےکا مطالبہ کیا ہے۔
