بانہال: مسافروں کا ڈرائیورز پر دگنا کرایہ وصولنے کا الزام

ضلع رامبن کے بانہال میں لوگوں کی شکایت ہے کہ ٹاٹا سومو ڈرائیور مسافروں کو دو دو ہاتھوں سے لوٹ رہے ہیں۔

بانہال میں سومو ڈرائیوزر کی جانب سے مبینہ طور پر مسافروں سے دگنا کرایہ وصول کیا جا رہا ہے۔

لوگوں کا کہنا ہے کہ ہمیں بانہال سے مگر کوٹ تک اگرچہ 60 روپے کرایہ ہے۔ تاہم آج ہم سے 100 روپے کرایہ لیا جا رہا ہے۔

لوگوں نے کہا کہ 'سومو ڈرائیورز زیادہ کرایہ لے کر ہمیں لوٹ رہے ہیں۔ ہم غریب لوگ ہیں اور سو روپے نہیں دے سکتے ہیں۔'

لوگوں نے ضلع انتظامیہ سے اپیل کی ہے کہ ان ڈرائیورز کے خلاف سخت کارروائی کی جائے تاکہ یہ دوبارہ من مانا کرایہ نہ لیں۔

وہیں لوگوں کا یہ بھی کہنا ہے کہ اگرچہ ٹاٹا سومو میں صرف سات ہی سواری پاس ہوتے ہیں۔ تاہم یہ ڈرائیور ٹاٹا سومو میں 10 بٹھاتے ہیں۔