گہری کھائی میں ٹرک گرنے سے ایک ہلاک

ریاست جموں کشمیر کے ضلع رامبن کے کھڑی علاقہ میں ایک سڑک حادثہ میں ایک شخص موقع واردات پر ہلاک اور ایک افراد شدید طور پر زخمی ہو گیا۔

پولیس کے مطابق ڈیمپر زیر نمبر JK19-6061 کھڑی سے ناچلانہ کی طرف سے آرہی تیز رفتار گاڑی پر ڈراٸیور قابو نہ رکھ سکا اور گاڑی بے قابو ہو کر چار سو فٹ گہری کھائی میں جا گری، جس کے نتیجے میں دو افراد شدید زخمی ہو گئے۔

مقامی لوگوں اور پولیس نے بچاؤ مہم شروع کر کے زخمیوں کو ضلع ہسپتال بانہال منتقل کیا جہاں ایک زخمی نے دم توڑ دیا۔

مرنے والے کی شناخت تنویر احمد ولد غلام قاور پاچھو ساکنہ سیرن تصیل کھڑی ضلح رامبن جبکہ زخمی کی شناخت ڈراٸیور محمد امین ولد علی محمد ساکنہ ہڑوگ تصیل و ضلح رامبن کے طور پر ہوئی ہیں۔ شدید زخمی ڈراٸور کو میڈکل کالج سرینگر منتقل کر دیا گیا۔