پولیس ذرائع کے مطابق آج شام رامبن کے نزدیک قومی شاہراہ چندرکورٹ کے مقام پر ایک موٹر سائیکل سوار رامبن کی طرف آرہا تھا کہ اچانک سڑک سے پھسل کر دریا چناب کے کنارے جاگرا جس کے نتیجہ میں وہ شدید زخمی ہو گیا۔
مقامی لوگوں نے شدید زخمی حالت میں ضلع ہسپتال رام بن منتقل کر دیا جہاں ڈاکٹروں نے ابتدائی علاج کے بعد گورنمنٹ میڈیکل کالج و ہسپتال جموں ریفر کر دیا۔
رامبن میں سڑک حادثہ
زخمی کی شناخت فیروز احمد ولد منظور حسین کے طور پر ہوئی ہے اور ان کا تعلق بہار سے ہے۔
مذکورہ شخص رامبن میں مستری کا کام کرتا تھا اور گاڑی دریا چناب کی تیز لہروں میں بہہ گئی۔
چندرکورٹ پولیس نے معاملہ درج کر کے تحقیقات شروع کر دی ہے۔
