مرکز کے زیرِ انتظام جموں و کشمیر کے ضلع رامبن میں پولیس نے گزشتہ دو روز قبل سرینگر میں واقع اپنے گھر سے مفرور نوجوان کو برآمد کر کے گھر والوں کے حوالے کردیا ہے۔
ڈپٹی ایس پی ہیڈکوارٹر رامبن راجندر سنگھ نے بتایا کہ پولیس کو مصدقہ اطلاع تھی کہ سرینگر کے راجباغ تھانہ حدود سے ایک نوجوان مومن ریاض (19) ولد ریاض احمد یکم فروری سے کار نمبر JK01 AB_ 2006 کے ساتھ لاپتہ ہو گیا ہے۔
ضلع پولیس رامبن نے تمام تھانوں کو بچے کی تلاش کے لیے احکامات دیے تھے۔ آج دوپہر بعد جموں کی جانب مومن سفر کر رہا تھا کہ پولیس تھانہ بٹوٹ نے قومی شاہرہ ناشری ٹنل کے مقام پر ناکہ لگایا تھا۔ پولیس نے گاڑی کو روک کر لڑکے کو گاڑی سمیت برآمد کر کے اہل خانہ کو سونپا۔
اس سلسلے میں تھانہ پولیس راجباغ میں گمشدگی کی رپورٹ درج تھی۔ پولیس نے پوچھ گچھ کے بعد بچے کو گھر والوں کے حوالے کر دیا ہے۔
