تفصیلات کے مطابق اتوار کی صبح تحصیل پوگل پرستان کے دور دراز علاقے مالیگام سے دس کلومیٹر دور مندرالہ کے مقام پر طارق احمد(10) مویشی چرانے کے لیے نزدیک کے جنگل میں گیا تھا، اس دوران جھاڑیوں سے ریچھ نمودار ہوا اور اس پر حملہ کر دیا جس کی وجہ سے وہ شدید طور پر زخمی ہوگیا۔
انہوں نے کہا کہ شور سننے کے بعد مقامی لوگ اس طرف بھاگے اور ان کے بچاؤ کے اقدام سے ہی جنگلی جانور طارق احمد کو زخمی حالت میں چھوڑ کر وہاں سے بھاگ گیا۔
بازو اور پیر کے علاوہ جسم کے دیگر حصوں پر لگے شدید زخموں کے ساتھ اسے فوری طور پر مقامی ہسپتال مالیگام منتقل کیا گیا جہاں سے ابتدائی طبی امداد کے بعد اسے مزید علاج و معالجہ کے لیے ضلع ہسپتال رامبن منتقل کیا گیا جہاں اس کا علاج چل رہا ہے۔
