تحصیل منڈی کی تمام تر جامع مساجد کے ممبر محراب خاموش رہے۔ اس موقع پر پولیس انتظامیہ کی جانب سے سخت چوکسی برتی گئی۔
اگر چہ بازار بھی کھلا تھا اور بازار میں قدر عید الفطر کے پیش نظر بھیڑ ہوتے ہوئے بھی مساجد میں لاک ڈاؤن کے معمول کے مطابق ہی نماز جمعہ ادا کی گئی۔ اس موقع پر علماء کرام نے تمام امت مسلمہ کو مبارک باد پیش ادا کرتے ہوئے اللہ کے حضور رجوع ہونے کی اپیل کی ہے۔
جامعہ ضیا الاسلام لورن کے مہتمم مولاناعبدالحمید نعیمی نے کہا کہ 'کورونا وائرس کی وبا کے پیش نظر انتظامیہ نے جو فیصلہ لیا عوام الناس اس کو فعال بنانے میں اہم کردار ادا کر رہے ہیں۔'
انہوں نے کہا کہ ''لورن کی سات جامع مساجد میں انتظامیہ کی ہدایات کے مطابق نماز جمعہ پانچ یا چھ لوگوں نے ہی اداکیا ۔اس کے علاوہ لوگوں نے اپنے گھروں میں ہی نماز ظہر ادا کی ہے۔ ''
انہوں نے مزید کہا 'اس وقت گزشتہ کئی دنوں میں لاک ڈاؤن کی وجہ سے علماء کرام نے انتظامیہ کا بھرپور تعاون کیا ہے اور عید الفطر بھی انتظامیہ جس طرح سے اپنی ھدایات جاری کرے گی اسی طرح علماء کرام بھی عوام کے نام اپنا پیغام جاری کریں گے ۔'
مولاناعبدالحمید نعیمی نے تمام عالم اسلام کو مبارک باد پیش کی ہے۔
