رام بن: جموں و کشمیر جمعیت اہلحدیث کے صدر سمیت دیگر مقتدر علماء کرام نے رامبن کے دارالحدیث السلفیہ امام آباد میں الاسلاف کمپیوٹر لیب کا افتتاح کیا۔ Computer Lab Inaugurated in Rambanافتتاحی تقریب میں مقررین نے اس بات پر زور دیا کہ 'ملت اسلامیہ کے نونہالوں کو سائنس اینڈ ٹیکنالوجی کے علوم سے متعارف کرانا وقت کی اہم ضرورت ہے، اور جمعیت اہلحدیث مسلسل اس سمت میں جد و جہد کر رہی ہے۔‘‘
اس تعلق سے جمعیت اہلحدیث جموں وکشمیر کے صدر غلام محمد بٹ المدنی نے کہا کہ 'اس وقت مختلف تعلیمی اداروں میں جدید تقاضوں کے مطابق جدید وسائل کو بروئے کار لا کر ملت اسلامیہ کی تعلیمی پسماندگی کو دور کرنے میں جمعیت اہلحدیث جموں وکشمیر نے کمپیوٹر جیسی ٹیکنالوجی سے ملت اسلامیہ کے نونہالوں کو روشناس کرایا۔‘‘Jamiat AhliHadees Inaugurated Computer Lab
انہوں نے کہا کہ دارالحدیث السلفیة امام آباد، رام بن میں کمپیوٹر لیب کی مدد سے آنے والی نسل کو تعلیمی وتعمیری میدان میں آگے بڑھنے کیلئے بہترین موقع فراہم ہوگا۔ انہوں نے کہا کہ جمعیت اور مقامی انتظامیہ کی مسلسل جدوجہد کے بعد کمپیوٹر لیب کی شروعات کی گئی۔ جمعیت اہلحدیث کے سینئر رہنما عبداللطيف الکندی نے کمپیوٹر لیب کی شروعات پر مقامی باشندوں اور امت مسلمہ کو عمومی طور مبارک باد پیش کی۔
الکندی نے میڈیا نمائندوں کے ساتھ بات کرتے ہوئے کہا: ’’ہر ادارے کو جدید تقاضوں کو سمجھ کر جدید وسائل سے فائدہ اٹھانا چاہئے۔‘‘ افتتاحی تقریب کے موقع پر مقررین نے تعلیم و تعلم کی اہمیت و افادیت کو اجاگر کرتے ہوئے اس تقریب پر خوشی کا اظہار کیا۔
